't Lik aan 't ammesjuur

't Lik aan 't ammesjuur
Sjriever	Johann Pelzer
Jaortaal	19??
Plaats	Baek
Saort	Leedteks
Oetveurendje	?

Trögk nao Baek.

Teks

Hub' veer mit vastelaovend 't pekske aangedaon,
dan blaoze veer os zurge lekker nao de maon.
Veer sjpele op os truete, mit vuel ammesjuur,
en make in drie dage eine tureluur.

Dan kenne veer der taege, wurd het nog zoa duur.
Want alles lik gelaege aan het ammesjuur.
dan kenne veer der taege, wurd het nog zoa duur.
Want alles lik gelaege aan het ammesjuur. (bis)

En haèt de vrouw kròm zinne, 't maedjes zoer van kop,
dan vilt de vastelaovend toch neet in de sop.
Ver gaève gauw e muulke, mit fien ammesjuur,
dan kump de bèste sjtumming, weg de kaodste kuur.

En is het mit de pinke tam'lik good gesjtèld,
zoa dat 'n platte beusj os neet verschrik'lik kwèlt.
Dan kòn ver get belaève, v'hubbe ammesjuur.
En wat op Esch'legoonsdich kump waal mit de buur.