Allewiel (Laevesfilosofie van Johann Pelzer)

Allewiel (Laevesfilosofie van Johann Pelzer)
Sjriever	Johan Pelser
Jaortaal	1950
Plaats	Baek
Saort	Leedteks
Oetveurendje	Baeker Pottentaote

Trögk nao Baek.

Teks

Allewiel, allewiel, och, wat zaet me allewiel ?
't Is de Pottentaote-groot, zit zwoà in ós Baeker blood.
En ein eeder in ziene sjtiel, dae zaet: allewiel, allewiel !

Allewiel, allewiel, mit vastelaovend allewiel.
V'r make allemaol weer sjpas, dae neet gek is, is 'nne kwas.
En ein eeder in ziene sjtiel, sjprungk en zungk: allewiel, allewiel !

Allewiel, allewiel, Baek is roàd, gael, greun, allewiel.
De prölle kómme oet de kis, omdat 't vastelaovend is.
En ein eeder in ziene sjtiel, is Pottentaot allewiel, allewiel !

Allewiel, allewiel, jao, dat zaet me: allewiel.
't Is de Pottentaote-groot, zit zwoà in ós Baeker blood.
En ein eeder in ziene sjtiel, dae zaet: allewiel, allewiel !