Austroa

Dit is gedeiltelik óf gans ven ge Limburgse óf Kölsje wikipedia gehaoldj. Höb estebleef bi-j veur de bewèrkers dao.

---

Austroa (Nederlands: Amstenrade, plaatselik meistal gesjrieve es Austroa) is 'n dörp in de tot voorkort gemeinte Sjènne (Gemeintelikke herindeiling) noe Beekdaelen, in Nederlands Limburg.
'n Buurtsjap is Hómmert.

Austroa haet 'n kesjtieël mèt e wanjelpark d'r achter. 'T kesjtieël wurt nog ummer bewoeënd doer de graofelike familie. Sinds op 17 februari 2007 de graof, Lambert Marchant et d'Ansembourg gesjtorve is, haet zien auste dochter, Gravin Leila de Marchant et d'Ansembourg, zien taak uvergenomme. In 't park sjteet ooch de "Kloes", dit is 'n koepelgrot opgeboewd mit veldbrandjsjtein en mergelsjtein.

Austroa haet nog mieë bezeenswaerdighede: de Oranjerie, Villa de Streek, 't Kloeëster en de ouw Sjoeël.

Kèrk
De kèrk van Slevevrouw Ónbevlek Óntvange ies 'n driebeukige hallekèrk óntworpe door Carl Weber. Ze woort geboewd tösje 1852 en 1856. Dit ies de ièrsjte kèrk in neogotische sjtiel in Limburg. In de kèrk bevingk ziech de graafkelder van J.B. graaf de Marchant en d'Ansembourg.

Dörpsvereiniginge
Austroa haet ouch 'n sjötterie (St. Gertrudis) en 'n harmonie (de Nederlande). Wiejer haet Austroa nog 'en toneelvereiniging (Ongeros), 'n zate hermenie (Opsekop), 'n voetbalvereiniging (V.V. Amstenrade), 'n tennisclub in ruste (L.T.C. Amstenrade treffers) en 'n sjportvereiniging (OMNI vereniging Amstenrade sport).