Blieve loepe

Blieve loepe
Sjriever	Jack Pouls
Plaats	America
Saort	Leedteks
Oetveurendje	Rowwen Hèze

Trögk nao America.

Teks

Ge zit ze nog zat in ow leave,
ze zitte allien, niemand kiekt nar ze um.
Ze griepe d'r altied net neave,
ze vroage zich tien kier per daag af wurum.
Wurrum giet 't noeit zoeals ik 't wil.
Ze werke te hard, hebbe noeit genne cent,
en als ze wat zegge, dan wuurdt alles stil.
Ze doon wat ze doon op't verkierde moment.

Ge komt ze nog duk zat teage,
altied goj zin, maake zich noeit echt druk.
Noeit um 'n grapje verleage.
Ze hebbe van alles en altied geluk.
Ze proate te hard en ze lache te veul,
en met probleme zien ze zoe kloar.
Wat ze neet snappe, dat is flauwekul,
en wat ze neet wiete is miestal neet woar.

D'n iene di rent veur zien leave,
d'n andere wandelt hiel rustig vurbeej.
Heej zuj d'r alles vur geave,
en heej zet: ze mooge 't hebbe van meej.
Woar ge ok loept en wat ge ok bint,
niemand di zet ow wat good is of slecht,
niemand di wet wie verluust of wie wint.
Ge komt op 't end beej ow zelf terecht.