D'n Aomezeik enne Doef

'nen Aomezeik, dae nao de baekkantj góng ómb zienen dórs te lesse, stóng óp 't pöntj ómb te verdrinken, ómdet t'r dórche stroum vanne baek mitgeveurdj woort. 'n Doef die óp 'ne watereuverspannendje boum zoot plóch e blaad en leet 't kórtbie 'm in 't water valle. d'n Aomezeik klómb d'róp en dreef veilig nao de kantj. Kórt d'rnao koom 'ne vogelvanger dae óngere boum góng staon enne linjetegk ómhoeëg duujdje ómme doef, die inne tegk zoot, baeter te kinne zeen. d'n Aomezeik, dae 'n ingaeving kreeg, stook de vogelvanger in ziene voot. Dórche pien tróg de vogelvanger de tegk ómlieëg, wodórch de doef sjrók en ewegvloog.

Me mót noeëts 's angeren miensj zien hölp vergaete, went taengegaafloeësheid is 'n groeëte zönj.