De vîef dóm mèèdjes en de viehf versjtenjige

De vîef dóm mèèdjes en de viehf versjtenjige. (Matt. 25, 01-13)

25 01 Dahn zal ‘t kuëhninkriehk

van den hiëhmel

vergeliëhke wèèhre mit tiën mèèdjes,

diej hun lahmpe pakde

en de broehdegóm tèèhnge góhnge.

02 Noew woaren ter vîef van huhn dóm

en viehf woahren ter versjtenjig.

03 Want de dómme

neehme waahl hun lahmpe mit zich mit,

mê geehnen oahlig.

04 Mê de versjtenjige neehme mit hun lahmpe

oahlig mit i kroehke.

05 Wiej de broehdegóm op zich leet wachte,

woërte ze allenej sjloaperig en veehlen i sjloap.

06 En midden in de nach woërt gerope:

Doa is de broehdegóm, kómp noa boehte

en goat hèùm tèèhnge.

07 Doew woërte diej mèèdjes allenej wakker,

sjtóhngen op en makden hun lahmpe kloar.

08 En de dómme zagten

tèènge de versjtenjige:

Gef ós get van den oahlig van uch,

want de lahmpe van ós gónt oeht.

09 Mê de versjtenjige zagten

in hun ahntjwoëhrd:

Mesjihns is ter neet genóg vuër ós

ehn vuër uch:

Goat liëhver noa de verkeuhpisj

en geltj ter uch zellef.

10 Mê wiej diej eweg woahren

óm ter te gehjje,

keem de broehdegóm,

en de mèèdjes diej gereehd woahre

góhnge mit hèùm mit noa bènne,

noa ‘t broehlefsfiës

en de duëhr woërt gesjloahte.

11 En laahter kemen oohch de ahnger mèèdjes

en diej zagte: Hiër, hiër, makt ós oahpe.

12 Mê dèè geef hun es ahntjwoëhrd:

Woarlik, ich zègk uch: Ich kèn uch neeht.

   13 Waahk doaróm,

want ger wit den daahg neet en de oër neeht.