Frits Criens

Biografie

Sjtäölke

Ode aan Limburg

Mèt prachtnatuur van Heuvellandj of Piël
De Maas die ós zoeë grellig haet doorsjneje
Mèt sjoeën geboewe -kloeëster, kèrk, kesjtiël
Modern of oet ein laevendj, riek verleje -
Traditie en folklore die wae beje
Haet Limburg het väör väöl toeriste hiël

Wae make goud van mergel, grind en zandj
En ouch al zeen de koele gans verdwene
En krumptj van jaor tot jaor de boeresjtandj
Ein bótram kan hie ederein verdene
Want äöveral is anger werk versjene
En Limburg haet Europa bie de handj

Ouch is hie eder dörp of sjtad sjpesjaal:
Apaart van dialekt, mer eín van taal!

(Gesjreve op verzeuk van de Sjtreektaalfunctionaris)