Heej is get loos

Met de vastelaovend gaon wej same op paad.
Weej drinke den pilskes en ut wuurd oug laat.
Weej lache en weej danse, geneete van meziek.
Det duit òs den good in òs limburgse riek.
Van 's morges vruug wies 's aoves laat,
zien weej die dreej daag wir paraat.
Kefeekes zitte den wir vol, en idderein haet lol.

Refrein:
Heej is get loos..... heej geit ut daak deraaf.
Den is alles aeve sjoën, jao, ut wuurt heej eg gaaf.
Heej is get loos..... heej geit ut daak deraaf.
Jao, det duit òs good, want de joeks zit in òs blood.

Met idderein gaon weej den oet òs daak.
Weej blieve den hosse, ut is wir ens raak.
Idderein haet gooje zin en sjtraolt van gelök.
De sjtumming zit drin en ut is oug hiel drök.
Van jònk toet aod, det maak niks oët,
ut veult gewoën vertroewd.
En as de kepèl den sjpeule geit, den kriege weej ut heit.