Het turftreierslied

Het turftreierslied
Sjriever	T. Brugmans
Plaats	America
Saort	Leedteks
Oetveurendje	Hay Mulders & Henk Daniëls

Trögk nao America.

Teks

Weej zien de Turuftreiers oet ut Turuftreiersriek.
Weej woëne in de moeie Piël, heer veule weej os riek.
Tusse smele en daat gaat, waor dí zwaarte turf in zaat.
Waor dat turfhuëpke stond, treide vader vroeger roond.
Op deen turufplak, stond mien eldershoes,
en daorm veule weej, en daorum veule weej, os heer álliën maar thoes.

Weej woëne In Amèrica, en durp in de Piël.
Weej hebbe genne president, álliënn enne boorekiel.
Weej hebbe gen dollars en gen flats, en ok genne hoëge taore.
Toch zien weej in America, heer in de Piël gebao-ao-aore.

Weej haaje vroeger enne Piël, waor veul turf in zaat.
Mien vader reej doar áltied rond, op en kar met en hiël groët raad.
Tusse de smele en de struuk, daar speulde weej op klumpkes.
Di Piël, daat waas en paradies, gezeid vol heideblu -u-umpkes.

De Piël din is nou oetgedaon, d'n turf, deen is op.
Waor vroeger die "oase" laog, leet nou enne groëte schop.
Weg zien die smele en die struuk, toch is-ie neet verlaore.
De-Piël, di waor en blieft van oos; heej is álliën herbao-ao- aore.