Krek wat ich zek

Refrein:
Krek wat ich zek, det is eg te gek, wat een fiës höbbe weej heej.
Krek wat ich zek, det is eg te gek, idderein is der wir beej.
Weej höbbe vuül te lang gewag.
Weej gaon door, door, door wiës deep in de nach.

Wao ich now woën, is ut hiël sjoën, ut dörp, det is eg top.
En idderein, dae duit heej mei, en Truus, det geit veurop.
Den wuurt un fiës geregeld, den kumpt det altied good,
want fiëste heej, det kenne weej, det zit os in ut blood.

Ut is geheid, met fiëste sjteit, os dörp gans oppe kop.
Det geit mer door, van oor tot oor, ut fiëshult neet snel op.
En geit ut volk op hoes aan, dan is ut wir zoë wiët,
den vraoge die, wao blief dat niej, want ut wuurt wir hoeg tiëd.