Mael (document)

Spelling 2003 van ’t Maels in ’t kort door dr. Herman Crompvoets 1. Klinkers De klinkertieëkens zin wie in ‘t Nederlands. ‘n Paar aparte tieëkens zin:

de è: dizze klinker kumt veur in weurd as bèd, mès, stèl;
de ö: dizze klinker kumt veur in weurd as mök, zök, hökske;
de ó: dizze klinker kumt veur in weurd as pót, rót,bók;
de ae: dizze klinker kumt veur in weurd as laeve, Mael, gael, zwaer;
de äö: dizze klinker kumt veur in weurd as bäöke, täötj, späötje;
de ao: dizze klinker kumt veur in weurd as paol, traon, gao, haok.

Sjrief nojt ee, oo, uu, aa as deh vanutj ‘t Nederlands verkieërd is, dus: vader, moder, zuke, mage. 2. Twieëklanke Vurbilde van Maelse weurd mi twieëklanke: ieë twieë, vieë, zieë ‘twee, vee, zee’; oeë roeëd, bloeët, koeëpe ‘rood, bloot, kopen’; uuë duuëske, bluuë, huuëre ‘doosje, bleu, horen’; aej (ik) traej, laej, knaej ‘(ik) treed, leid, knie’; àèj wàèje, knàècht ‘waaien, knecht’; ej behej, bezej ‘behaai, bezei’; èj nèjs ‘nieuws’; uuëj vluuëj ‘vlooien’; äöj näöj, läöje ‘naden, luiden’; oej goej ‘goed’; èw èw, lèw ‘eeuw, leeuw’; ooj zooj ‘zooi’; aoj (ik) braoj ‘ik braad’; aaj flaaj ‘vlaai’.

Kies in principe vur ou en nie vur au, behalve as ’t Nederlands au hè;
Kies in principe vur ei en nie vur ij, behalve as ’t Nederlands ij hè.

3. Medeklinkers De medeklinkers zin as in ‘t Nederlands. Énkel bezundere gevalle zin:

de gk: di tieëken kumt in ’t Maels nie veul veur;
de sj: di tieëken kumt veur in weurd as sjon, sjool, sjael;

De j kumt òp ’t ènd in ’t Maels dik veur: windj, prisj, pinj, isj, fläötj, meusj, kwitj. Mer ók in ’n woord kumt de j dik veur: verslitje, greezje, verleezje, butje, rutje. 4. t of d op ’t ènd van weurd As ‘t woord in ‘t Nederlands op ‘t ènd ‘n d hè, blief die in ‘t Maels bewaard: land, zand, haand. Sjrieve ge in ’t Nederlands ’n t óp’t ènd, dan sjrieve ge die ók in ’t Maels: zat, lat, gaat. 5. Internationale weurd Internationale weurd waere in ‘t Maels zo veul meugelik in de internationale spelling gesjrivve, dus: telefoon, televisie, diskette, computer, chatte, sms-e.