Met de bein op de grónk

Weej zien van die sjpesiale minse
Weej zien ein hiel biezónger ras
auch zieen weej wie weej ós det winse
De sjoënste oët de klas
Wat höbbe weej noow te verlere
Nach genne rotte cent
Zoë lang weej ós mer amusere
Zien weej allang content

Refrein:
Laot mer laupe, laot mer gaon
As ze met dien bein mer op de grónk bliefs sjtaon
Doot gewoën en neet gezóch
Den duisze mier as gek genóg
Zoë noow en den, det ken, det eine zich vergis
Dae duit wet kaal, jaowaal, dae meint det hae get is
Laot um laupe laot um gaon
Dink aan dien gemood
Wae neet löp, dae blief waal sjtaon
Angers geit der mer te voot

Der zien der auch die altied klage
Die doon det met gezónge bein
De mins ken bes wel wat verdrage
Al is det dök neet fein
Mer verder, laot ós mer gewaere
Weej make ós neet diek
En wae det toch ens wilt probere
Det dae ut mer bekiek