Mien tong

Heite soep, petatte friet en dèn die greunte,
Die krieg ich sjteéds euver mich haer.
Vuul lappe vleis, ein sjteinkaod iës en dèn dae koffie,
Jao minse, geít det, nôw neet erg veer.
Ich zoel van úch heej allemaol ens wille weite,
Waorum bin ích tòch sjteeds de klos.
Dink aan mích, det is uch plích,
Ich ving ut móuw al det gedóuw,
Wat laot geej vuúl op mien liëf los.

Refrein:
Mien tong, die haet ut zwaor.
Want op ut puntje zit ein hiéle dieke blaor.
Mien tong, t'is iërlik waor.
Laeft now al jaore op ut réndje van gevaor.
Mien tong, kiek maar ens heej.
Is mèt heur laeve al hiel làng neet miër tevreej.
Maar ze wèt, soms meug ze mèt,
Drinkt mèt plezeér ein keul glaas beér,
Want dèt heet ze toch zoë gaer.

Sigarette, proemtabak en ouch en blowtje,
Det krieg ich daágliks euver mich.
Die fieze pille, kaoje drenkskes, heite blíksem,
Jao dink dao eúver, maar neet te lich.
Wat al de minse verder mèt mich oetprobére,
Ich gaon den dók òp miene bek.
Oet de géut, in mien sjtréut,
Dae vieze sjmáák is altiëd ráák,
Daovan gaon ích eu-ver de nek.