November

November
Sjriever	?
Plaats	America
Saort	Leedteks
Oetveurendje	Rowwen Hèze

Trögk nao America.

Teks

't Was 12 oor in Venlo
't Woort tied um nar hoes te goan
Toen eemand zei: "Hey, loep es mei"
't Is heer nog neet gedoan
Ik keek ow aan en ik schrok d'r van
Ik hei ow joare neet gezeen
Geej waart nog moei, net zoe moei
Als toen gans in 't begin

Op 't kerkplein in november
Zaag ik ow vur d'n ierste kier
De wind dae weijde door ow hoar
En ik zaag 't gevoar
Ik zaag mien hand al in ow hand
En ik doch: loep door, loep door
Onderwaeg heb ik meejzelf verteld:
"'t Waas neet mier als een blaad dat velt"

Mar een blaad dat velt en een book giet dicht
Mar wat bleef, dat waas ow gezich
Overdaag de zon en 's nachs de moan
Ik kos ow oege neet wirstoan
'k Doch mier aan ow dan an meejzelf
Ik doch daage aan ein stuk
Wat is dit nou, moeie vrouw?
Dit is weggegoeid geluk

En 's nachts in bed, sloap ik net
Komde geej op bezeuk bij mij
Mien bed is kalt, mien kamer kaal
En ik droem hard as staal
En geej zit zacht, als dons als vacht
En ik drei mich um ow hin
En in ow erm, waer ik werm
En droem mien moeiste zin

Te veul gedocht, te lang gewacht
Ik ging door op halve kracht
D'r bleef niks mier over van dit schip
't Dreef langzaam tot 'n stip
Tot een puntje aan de horizon
Op innen oceaan zoe groet
'k Heb alles overboord gegoeid
D'n haven dae kwam noeit

't Was 's merges vroeg in Venlo
Hoeg tied um nar hoes te goan
Gij keek meej aan en ik keek ow aan
Van kiek os heer nou stoan
Ik pik ow hand en ik laachte want
Ow gezicht en owwe naam
En hoe geej keekt, ow hoar wegstreekt
Toen de zon aan d'n hiemel kwaam