Same

Same
Sjriever	?
Jaortaal	1999
Plaats	Arensgenhout
Saort	Leedteks
Oetveurendje	Outside

Trögk nao Arensgenhout.

Teks

Ich zit te wachte, de loch is gries.
En druppels tikke taege de roet.
Ich dink aan dich, aan de tied van toen
In gedachte kump alles nog 'ns truk
Ich dink altied, 't is neet waor
Verdreet om dich, 't vilt mich zjwaor
't vilt neet mit om nao zoavuel jaor te verwirke
dat's dich niks miè om mich geufs.

Ich wil mit dich noe same laeve, Ich zal dich dan auch alles gaeve
Ich houp dat's dich mich die kans nog 'ns geufs
Ich veul mich noe zoa laeg van binne 't zal auch dink ich noats miè winne
De tied mit dich kump houplik nog 'ns truk

Ich vraog mich aaf, wat's dich noe dinks
Ich wau 'ns weite wat's dich van mich vings
't laeve is toch niks zoa fijn
es zitte op 'n bank, same bieëin
Ich dink aan dich daag in daag oet
Ich houd 't zonger dich bienao neet miè oet
Maar es ich druim van dè sjoane tied
dan verlang ich nao dich truk