Sint Servaes legende/Dünding V

Serichlike, sonder inde:
 Daer en claecht die moeder niet haer kint,
 (Elc te claghene ghenoech daer vint)
 No de vader sinen sone:
 Elc heeft daer ghenoech te doene.
 Daer en swijcht men nemmer stille,
 Daer sien die duvele haren wille,
 Daer crijt men, daer sleet men die hande,
 Daer sucht men, daer criselen de tande,
 Daer sijn die duvele alle stout,
 Gierich, wreet, fel ende bout;
 Daer en helpt have no gout,
 Die daer sijn sijn emmer out,
 Daer es emmer honger ende dorst,
 Den kinde en hulpt der moeder borst;
 Daer es die doot ewelike, sonder blijf,
 Daer crijt men: “Aylase, caitijf.”
 Die daer sijn sijn emmer cranc,
 Haer beste werelt es vule stanc.
 Wat maggic segghen der hellen stede,
 Daer es sonder inde caitivechede.’