Tuba

Tuba
Sjriever	Jack Pouls
Plaats	America
Saort	Leedteks
Oetveurendje	Rowwen Hèze

Trögk nao America.

Teks

Ik ken 'n megje dat woj danse,
ik ken 'n megje dat woj danse, de ganse oavend lang.
Van links nar rechts oaver de dansvloor,
op en neer oaver de dansvloor, vur niks en niemand bang.
Iederien numde d'r Tuba,
iederien numde d'r Tuba, want ze dreunde nogal door.
Als Tuba kloar waas um te walse,
Als Tuba kloar waas um te walse, stong d'r niemand op de vloor.

Want als Tuba ging walse, dreide 't ganse café.
De ganse oavend woj ze walse,
al ging 't behang van de moor, Tuba die dreide mar door.

Op enne oavend nar 't eate,
'k zal 't mien leave neet vergeate,
ze kos neet stoppe, bleef mar dreie,
steeds harder ging ze rond.
Vur de oege van de minse,
vur de oege van de minse zakte Tuba in de grond.
Ze zakte langzaam dor de dansvloor,
ze zakte langzaam dor de dansvloor en ze ging umlieg.
Allien 't gaat dat is gebleeve,
allien 'n gaat dat is gebleeve en 'n burdje woar op stiet:

Noeit kwaam Tuba mier boave.
Tuba kwaam noeit mier terug.
In de aarde begraave.
Begraave deep onder de grond,
dreit ze nou hiel langzaam rond.